गोकर्णेश्वर नगरपालिका वडा नं १ को ओख्रेनी, कुने, खत्रीटोल र चिलाउनेमा राहत वितरण

कपन अनलाइन

काठमाडौँ, जेठ ३१। गोकर्णेश्वर नगरपालिका वडा नं १ को ओख्रेनी, कुने खत्रीटोल र चिलाउनेमा राहत वितरण गरिएको छ। आइतबार  गोकर्णेश्वर नगरपालिकाको आयोजना तथा मद्दत नेपालको सहयोगमा रोक्पा कोभिड  राहत अन्तर्गत उक्त क्षेत्रका करिब ३ सय परिवारलाइ राहत वितरण गर्नुको साथै स्वास्थ्य परिक्षण समेत गरिएको नगरपालिकाले जानकारी गराएको छ।

 राहत वितरण कार्यक्रममा नगर प्रमुख सन्तोष चालिसे गोकर्णेश्वर नगरपालिकाका प्रमुख सल्लाहकारदिपक रिसाल , वडा १ का अध्यक्ष राम मानन्धर  ,वडा सदस्य राजेन्द्र कुमार रोक्का , वडा सदस्य आइतेमान तामाङ , वडा नं ८ का वडा सदस्य नन्दलाल श्रेष्ठ , समाजसेवी गोकुल रोक्का लगायत स्थानीयको  उपस्थिति रहेको थियो ।

कोरोना  नियन्त्रण तथा रोकथामको लागि सरकारले जारी गरेको निषेधाज्ञाको कारण समस्यामा परेका ज्याला, मजदुरी गरेर गुजारा चलाउँदै आएका परिवारलाई  राहत वितरण गरेको हो। राहतमा प्रति परिवार एक बोरा चामल, दाल,तेल, नुन लगायतको सामग्री प्रदान गरिएको वडा अध्यक्ष राम मानन्धरले जानकारी गराए ।