गोकर्णेश्वर नगरपालिका वडा नं ७ को योजना संकलन सम्बन्धी सार्वजनिक सूचना

कपन अनलाइन

काठमाडौं, जेठ ३० ।गोकर्णेश्वर नगरपालिका वडा नं ७ले सार्वजनिक सुचना जारी गरेको छ । वडा अध्यक्ष केशब गुरुङले जारी गरेको सूचनामा गोकर्णेश्वर नगरपालिका वडा नं ७ बाट आर्थिक वर्ष २०७८/७९को लागि योजना संकलन गर्ने कार्यक्रम रहे पनि हाल फैलिरहेको कोरोना भाइरस (कोभिड-१९)को दोस्रो प्रकोप तथा यसको संक्रमण फैलन नदिन नेपाल सरकारको निर्देशन पालना गर्दै टोल बस्तीमा आउन नसकेको व्यहोरा जानकारी गराईएको छ।

 साथै आर्थिक वर्ष २०७८/७९को योजना संकलन वडाबाटै गरिने भएको हुँदा गोकर्णेश्वर नगरपालिका वडा नं ७ का स्थानीयबासी, संस्था,  क्लब, टोल सुधार समितिहरुले मिति २०७८ साल असार ३ गते सम्ममा आ आफ्नो समिति खुल्ने गरि योजनाको सम्पूर्ण बिवरण वडा कार्यालयमा लिखित रुपमा पेश गर्न अनुरोध गरिएको छ ।