काठमाण्डौका विभिन्न प्रहरी वृत र प्रभागहरुलाई कुमिदिनी र आशा नेपालको स्वास्थ्य सामाग्री सहयोग
कपन अनलाइन
काठमाण्डौ ,जेष्ठ १६।
काठमाण्डौका विभिन्न प्रहरी वृत र प्रभागहरुलाई सामाजिक क्षेत्रमा क्रियाशील संस्थाहरु कुमिदिनी र आशा नेपालले स्वास्थ्य सामाग्री सहयोग गरेका छन।
काठमाण्डौका बालाजु ,बौद्ध र महाराजगंज प्रहरी वृत र बसुन्धरा ,गोकर्ण ,कपन ,नया बस पार्क , टोखा र शान्ति बाटिका प्रहरी प्रभागलाई मास्क ,फेस शिल्ड,पन्जा र स्यानीटाईजर सहयोग गरिएको थियो।
कोरोना प्रकोपको नियन्त्रण तथा रोकथामका लागि अग्र मोर्चामा रहेर सक्रिय रहेका सुरक्षा कर्मीहरुको योगदानको कदर गर्दै सो सहयोग गरिएको कुमुदिनिका संस्थापक प्रदिप डंगोलले जानकारी दिएका छन।
सो सहयोग अभियानको पहिलो चरणमा कुमुदिनीको पहलमा बुढानीलकण्ठ, बालाजु, महाराजगन्ज र कपनमा स्वास्थ्य सामाग्री वितरण गरिएको बताउदै डंगोलले अवका दिनमा महानगरीय प्रहरी आयुक्तको कार्यालय, रानिपाेखरी महानगरिय प्रहरी परिसर महिला तथा बालबालिका शाखा भक्तपुर, ललितपुर र काठमाडौं केन्द्रीय बालबालिका खाेज तलास समन्वय केन्द्र भृकुटीमण्डप, फरेन्सिक बिभाग शिक्षण र नेपाल प्रहरी अस्पताल महाराजगन्जलाई सहयोग गर्ने बताएका छन।
