प्रदेस मन्त्रालयको सरकारी मोटरसाइकल चोर्ने दुई जना पक्राउ

कपन अनलाइन

काठमाण्डौ ,जेष्ठ १२।

कैलालीमा प्रदेस  मन्त्रालयको सरकारी मोटरसाइकल चोर्ने दुई जना प्रहरीको फन्दामा परेका छन् ।

सुदूरपश्चिम प्रदेश सामाजिक विकास मन्त्रालयको सु.प.प्र.०१–००१ ब १७२८ नम्बरको मोटरसाइकल चोरेको अभियोगमा दाङ तुल्सीपुर उपमहानगरपालिका–९ का २६ वर्षीय विश्व रोकामगर र कैलाली धनगढी उपमहानगरपालिका–१ डेरा गरी बस्ने दाङ तुल्सीपुर उपमहानगरपालिका–५ का १६ वर्षीय किशोरलाई प्रहरीले पक्राउ गरेको हो ।

मन्त्रालयको आवास गृहमा पार्किङ गरी राखेको मोटरसाइकल हराएपछि मगरलाई मोटरसाइकलसहित बर्दियाबाट पक्राउ गरिएको थियो ।प्रकाउ परेका मगरलाई थप अनुसन्धान गर्ने क्रममा किशोरको संलग्नता रहेको खुलेसँगै चोरीमा संलग्न रहेका किशोरलाई पछि उनकै डेराबाट पक्राउ गरिएको  थियो  ।