पछिल्लो २४ घण्टामा ४५२४ जनामा कोरोना भाइरस संक्रमण पुष्टी

कपन अनलाइन

सिन्धुपाल्चोक ,बैशाख १४।

पछिल्लो २४ घण्टामा ४५२४ जनामा कोरोना भाइरस संक्रमण पुष्टी भएको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको १४६७२ पीसीआर परीक्षणमा ४३६४ र १००९ एन्टिजेन परीक्षणमा १६० जना गरी ४५२४ जनामा संक्रमण पुष्टि भएको हो ।

यो सहित नेपालमा कोरोना संक्रमितको संख्या ३ लाख ७ हजार ९२५ जना पुगेको छ ।

पछिल्लो २४ घण्टामा ५५५ जना कोरोना संक्रमणमुक्त भएका छन् । यो सहित संक्रमण मुक्त हुनेको संख्या २ लाख ७८ हजार ५०६ जना पुगेको छ ।

संक्रिय संक्रमितको संख्या २६ हजार २ सय २५ पुगेको छ । १८ जना संक्रमितको मृत्यु भएको छ । कुल मृतकको संख्या ३ हजार १९४ पुगेको छ ।