कागेश्वरी मनोहरा नगरपालिका वडा नं. ७ मा नि:शुल्क स्वास्थ्य शिबिर सम्पन्न
कपन अनलाइन
काठमाडौँ, चैत्र ११। कागेश्वरी मनोहरा नगरपालिका वडा नं. ७ मा नि:शुल्क स्वास्थ्य शिबिर सम्पन्न भएको छ । मंगलबार कागेश्वरी मनोहरा नगरपालिका वडा नं.७ र घनामंगल युथ फोरम फर सोसाइटीको संयुक्त आयोजना तथा वि.पी नेत्र प्रतिष्ठान बाल आँखा ,नाक, कान,घांटी अस्पताल एबम पुन:स्थापना सेवा मनोहरा भक्तपुरको प्राबिधिक सहयोगमा गरिएको सो स्वास्थ्य शिविरको वडा नं.७ का वडा अध्यक्ष जीवन थापाले उद्घाटन गरेका थिए ।
स्वास्थ्य शिबिरमा आँखा, नाक, कान र घाँटीको नि:शुल्क परीक्षण गरिएको थियो ।कागेश्वरी मनोहरा नगरपालिका वडा नं ७ अमरसिंह चोक स्थित कभर्ड हलमा बिहान १० बजे देखि सुरु भएको उक्त शिबिर दिउसो २ बजे सम्म चलेको थियो । शिबिरमा १ सय ८५ जनाको स्वास्थ्य परीक्षण गरिएको वडा अध्यक्ष थापाले जानकारी गराए ।
स्वास्थ्य परिक्षण गरिएका मध्ये २० जनालाई शल्यक्रियाका लागी रिफर गरिएको र ५८ जनालाई चश्मा निशुल्क रुपमा बितरण गरिएको समेत जानकारी गराए ।कार्यक्रममा ७ नं. वडाका जनप्रतिनिधिहरु, वडा सचिव श्रुति नेपाल, समाजसेवी राम न्यौपाने, घनामंगल युथ फोरम फर सोसाइटीका अध्यक्ष भिमसेन न्यौपाने, सामाजिक अभियन्ता अञ्जु श्रेष्ठ लगायत वडाबासीहरुको सहभागिता रहेको थियो ।
