नेपाली कांग्रेको वसन्तपुरमा संसद विघटन बिरुद्दमा विरोध सभा

कपन अनलाइन

काठमाडौं, फागुन ३।नेपाली कांग्रेसले आज (सोमबार) देशैभर प्रदर्शन गरिरहेको छ  । संसद विघटन गर्ने केपी ओलीको कदमविरुद्ध कांग्रेसले जिल्लामा विरोध प्रदर्शन गरेको  हो ।गत माघ १३ गतेको निर्णयअनुसार नै जिल्ला समितिको आयोजनामा ७७ वटै जिल्लामा विरोध प्रदर्शन गर्न लागिएको नेपाली कांग्रेसले जनाएको छ ।जिल्लामा प्रदर्शनपछि हुने विरोध सभालाई कांग्रेसका शीर्ष नेताले सम्बोधन गरेका छन् । पूर्व निर्धारित कार्यक्रमअनुसार सभापति शेरबहादुर देउवाले बुटवलमा हुने सभालाई सम्बोधन गरेका छन  ।

यस्तै, वरिष्ठ नेता रामचन्द्र पौडेल र सहमहामन्त्री प्रकाशसरण महत धादिङ, उपसभापति विमलेन्द्र निधि सप्तरी, महामन्त्री शशांक कोइरालाले दाङको सभालाई सम्बोधन गर्नेछन् ।राजधानीको वसन्तपुरमा आयोजित संसद विघटनविरुद्घको विरोध सभा कार्यक्रममा कांग्रेस पूर्व महामन्त्री अर्जुन नरसिंह केसी, काठमाडौँ जिल्ला सभापति कृष्ण बानियाँ (सबुज), नेविसं पूर्वमहामन्त्री मनोज वैद्य, काममाडौँ महानगरपालिका उपमेयर हरि प्रभा खड्गी, कांग्रेस वागमति प्रदेश प्रमुख सचेतक राधा घले, नेपाली काग्रेसकि केन्द्रीय सदस्य अम्बिका बस्नेत  लगायतका शीर्ष नेताहरूले सम्बोधन गरेका थिए  ।

फोटो : सरोज बस्नेत