कपन बहुमुखी क्याम्पसको ८ औ वार्षिकोत्सव सम्पन्न

कपों अनलाइन

काठमाडौं ,फागुन १।

बुढानिलकण्ठ नगरपालिका वडा नं १० मा रहेको कपन बहुमुखी क्याम्पसको ८ औ वार्षिकोत्सव सम्पन्न भएको छ। बुढानिलकण्ठ नगरपालिकाका प्रमुख उद्दव खरेलको प्रमुख आतिथ्यतामा भएको वार्षिकोत्सव कार्यक्रममा आजीवन सदस्यता पनि वितरण गरिएको थियो।

बुढानिलकण्ठ नगरपालिकाकी उपप्रमुख रमा राई ,नगर प्रवक्ता नवराज भट्टराई,वडा नं ११ का अध्यक्ष राजु अधिकारी, वडा नं १२ का अध्यक्ष शम्भु भट्टराई , नेकपा बुढानिलकण्ठ (प्रचण्ड -नेपाल पक्ष) अध्यक्ष रबिन अधिकारी , नेकपा (ओली पक्ष) अध्यक्ष प्रदिप डंगोल ,नेपाली कांग्रेस नगर सभापति गणेश कोइराला सहित संचालक समिति ,सल्लाहकार तथा आजीवन सदस्यहरुको उपस्थिति रहेको कार्यक्रमको अध्यक्षता संचालक समितिका अध्यक्ष कुमार ओझाले गरेका थिए।

कपन ह्यान्डबल मैदान नजिक रहेको  नवनिर्मित भवनमा कक्षा संचालन शुरुवात गरेको कपन बहुमुखी क्याम्पसले व्यवस्थापन तथा शिक्षा संकायमा स्नातक तहका विभिन्न विषयको पठन पाठन गर्दै आएको छ।