गोकर्णेश्वर युवा जागरण क्लब (GFG) द्वारा आयोजित स्व.गोपाल श्रेष्ठ स्मृति ४ नं वडा स्तरीय ब्याडमिन्टन प्रतियोगिताको पहिलो चरणका खेलहरु सम्पन्न
कपन अनलाइन
काठमाडौँ, माघ २८। गोकर्णेश्वर नगरपालिका वडा नं ४ मा रहेको गोकर्णेश्वर युवा जागरण क्लब (GFG)को आयोजनामा स्वर्गीय गोपाल श्रेष्ठ स्मृति गोकर्णेश्वर नगरपालिका ४ नं वडा स्तरीय ब्याडमिन्टन प्रतियोगिताको पहिलो चरणका खेलहरु सम्पन्न भएको छ ।
गोकर्णेश्वर नगरपालिका वडा नं ४ उत्तरबाहिनीस्थित ब्याडमिन्टन कोर्टमा सोमबार बाट शुरु भइ फागुन १ गते सम्म चल्ने सो प्रतियोगिताको पहिलो चरणको तेस्रो दिनको पहिलो खेल धनबहादुर श्रेष्ठ र मधु कुमार श्रेष्ठको जोडी त्यसै गरि श्याम श्रेष्ठ र राजकुमार श्रेष्ठको जोडी बीच भएको थियो। निकै नै प्रतिस्पर्धात्मक बनेको सो खेलमा श्याम श्रेष्ठ र राजकुमार श्रेष्ठको जोडी धनबहादुर श्रेष्ठ र मधु कुमार श्रेष्ठको जोडीलाई २१-१८, २१-८ र २१-१० अंकको दोस्रो सेटमा पराजित गर्दै अर्को चरणमा प्रवेश गरेको छ।
त्यसै गरि आज भएको दोस्रो खेल नवराज श्रेष्ठ र बिक्रम श्रेष्ठको जोडी संग उमेश ढुंगाना र कृष्ण प्रसाद श्रेष्ठको जोडी बीच भएको थियो। उक्त खेलमा नवराज श्रेष्ठ र बिक्रम श्रेष्ठको जोडीले उमेश ढुंगाना र कृष्ण प्रसाद श्रेष्ठको जोडीलाई २१-११ र २१-१९ अंकको सोझो सेटमा पराजित गर्दै अर्को चरणमा प्रवेश गरेको छ ।
त्यसैगरि आज नै पहिलो क्वाटरफाइनल खेल समेत सम्पन्न भएको छ पहिलो क्वाटरफाइनल खेल रामहरि श्रेष्ठ र हरिदास श्रेष्ठको जोडी संग विकास श्रेष्ठ र सन कुमार श्रेष्ठको जोडी बीच भएको थियो ।उक्त खेलमा रामहरि श्रेष्ठ र हरिदास श्रेष्ठको जोडीले विकास श्रेष्ठ र सन कुमार श्रेष्ठको जोडीलाई २१-९ र २१ -१४ अंकको सोझो सेटमा पराजित गर्दै सेमिफाइनलमा प्रवेश गरेको छ ।आजको खेलको निर्णायकको भूमिकामा श्रीकृष्ण कारंजित रहेका थिए ।
नेपाल तरुण दल गोकर्णेश्वर नगर समिति, काठमाडौंका अध्यक्ष तथा गोकर्णेश्वर युवा जागरण क्लबका सल्लाहकार समेत रहेका स्व. गोपाल श्रेष्ठको हृदयाघातका कारण निधन भएको थियो। उनकै बार्षिक पुण्य तिथिको अवसरमा खेलको माध्यमबाट आपसी भाइचारा मित्रता र सामाजिक सदभाब कायम गर्दै वडा बाट प्रतिभावान खलाडी उत्पादन गर्ने र गोकर्णेश्वर नगरपालिका वडा नं ४ भित्रका ब्याडमिन्टन प्रेमीहरु लाई समेट्ने उद्धेश्यका साथ सुरु गरिएको सो प्रतियोगितामा १६ टिमको सहभागिता रहेको छ ।प्रतियोगितामा प्रथम र दितीय हुनेलाइ टिमलाई क्रमश नगद रु १० हजार र ५ हजार सहित ट्रफी मेडल र प्रमाण पत्र वितरण गरिने आयोजकले जनाएको छ ।
