हेलिकोप्टरबाट उद्दार गरिएकी चम्पादेवी-५ की कार्कीले तिन सन्तानलाई जन्म दिईन

कपन अनलाइन

ओखलढुंगा ,माघ २६।

ओखलढुंगा जिल्लाको चम्पादेवी गाउँपालिका वडा नं ५ की शान्ता कार्की बुढाथोकीले एकैपटक ३ सन्तान जन्म दिएकी छिन् । गाउँपालिकाको प्राथमिक स्वास्थ्य केन्द्रमा  प्रसुति गराउन समस्या भएपछि उनलाई आइतबार हेलिकोप्टरमार्फत काठमाडौँ लगिएको थियो ।

उनले २ छोरा र १ छोरी जन्म दिएकी छन। फेदीगुठ स्वास्थ्य चौकीमा एक छोरीलाई प्राकृतिक रुपमै जन्म दिएकी उनले अरु २ छोरालाई प्रसुति गराउन नसकेपछि काठमाडौँ लगिएको थियो।उनले  थापाथली प्रसुती गृहमा २ छोरालाई आइतबार साँझ शल्यक्रिया जन्म दिएकी छन  ।

जिल्ला प्रशासन कार्यालय ओखलढुंगाको समन्वयमा महिला बालबालिका तथा जेष्ठ नागरिक मन्त्रालयमार्फत राष्ट्रपति महिला उत्थान कार्यक्रम अन्तर्गत दुर्गम क्षेत्रका ज्यान जोखिममा परेका गर्भवती तथा सुत्केरी महिलाहरुका लागि हवाइ उद्दार सम्बन्धी कार्यविधि २०७५ अनुसार उनलाई नेपाली सेनाको हेलिकोप्टरले  नि:शुल्क उद्दार गरेको थियो ।