आगामी स्थानीय निर्वाचनमा टोखाका सबै वडामा नेकपाले क्लिन स्विप गर्नेछ :प्रमुख प्रकास अधिकारी
कपन अनलाइन
काठमाडौं ,माघ १०।
टोखा नगरपालिकाका प्रमुख प्रकास अधिकारीले आगामी स्थानीय निर्वाचनमा टोखाका सबै वडामा नेकपाले क्लिन स्विप गर्ने बताएका छन। शनिवार नेपाल कम्युनिष्ट पार्टी(नेकपा) ओली पक्षको अगुवा कार्यकर्ता भेलामा प्रमुख अधिकारीले आफुहरुले जनताको मन जितेर काम गरेकाले आगामी निर्वाचनमा जनताले साथ दिने विस्वास व्यक्त गरेका थिए।
कार्यक्रममा प्रमुख अधिकारीले आफु निर्वाचित भएदेखि अहिलेसम्म नगरपालिका भित्र २९ किलोमिटर सडक पिच गरिएको र ३९ किलोमिटर सडक ढलान गर्ने काम सम्पन्न भएको जानकारी दिदै अन्य पूर्वाधार ,सामाजिक र सांस्कृतिक कामहरुलाई जनताले महसुस हुने गरि गरेको दावी गरेका थिए ।
सो कार्यक्रमको प्रमुख अथिति नेपाल सरकारको उपप्रधानमंत्री एबम नेकपा, केन्द्रीय सचिवालय सदस्य ईश्वर पोखरेल रहेका थिए भने भने नेकपा केन्द्रीय सदस्यदय नारायण सिलवाल,केन्द्रीय सदस्य एबम टोखा नगरपालिका प्रमुख प्रकाश अधिकारी,कमरेड रत्न गुरुंग,कमरेड बाबू लाल डंगोल, जिल्ला कमिटी सचिवालय सदस्य नारायण भाई श्रेष्ठ,टोखा उपप्रमुख ज्ञानमाया डंगोल, मणि राज डंगोल,क कृष्ण अधिकारी, नीरेश लाल सिंह, तिलक सुनुवार , राम बाबू पापाण्डे लगायतको सहभागिता रहेको थियो।
सो भेलाको अध्यक्षता पार्टी नगर कमिटिका अध्यक्ष सत्य नारायण डंगोलले गरेका थिए भने सञ्चालन नगर कमिटि सचिवालय सदस्य भानु दहालले गरेका थिए ।
