मानेभञ्ज्याङ् गाउपालिकामा नेकपा प्रचण्ड -नेपाल समुहको अगुवा कार्यकर्ता भेला सम्पन्न
कपन अनलाइन
ओखलढुंगा ,माघ १०।
ओखलढुंगा जिल्लाको मानेभञ्ज्याङ् गाउपालिकामा नेकपा प्रचण्ड -नेपाल समुहको अगुवा कार्यकर्ता भेला सम्पन्न भएको छ। नेपाल कम्युनिस्ट पार्टीका केन्द्रीय सदस्य तथा ओखलढुंगा जिल्ला=का विघटित प्रतिनिधि सभा सदस्य यज्ञराज सुनुवारको प्रमुख आतिथ्यतामा भएको उक्त भेलामा नेकपा जिल्ला अध्यक्ष तथा प्रदेस सभा सदस्य मोहन खड्का ,नेकपाका नेता अनिल योगी ,नेत्र भट्टराई लगायत अतिथि रहेका थिए।
मानेभञ्ज्याङ् गाउपालिकाका सबै वडाका अगुवा नेता तथा कार्यकर्ताहरुको सहभागिता रहेको उक्त भेलामा बोल्दै वक्ताहरुले हाल नेकपामा देखिएको विवाद र यसले राजनीतिमा पारेको अशरका वारेमा प्रशिक्षण दिएका थिए।
ओखलढुंगा जिल्लाका सबै ८ वटै स्थानीय तहमा निरन्तर अभियान संचालन गरिरहेको नेकपा प्रचण्ड -नेपाल समुहले प्रधानमन्त्री ओलीले गरेको प्रतिनिधि सभा विघटन र यसले पारेको अशरका वारेमा छलफल र अन्तर्किया गर्दै आएको छ।
