गोकर्णेश्वर नगरपालिका वडा नं २ ले ज्येष्ठ नागरिकहरुलाई सम्मान गर्यो

कपन अनलाइन

काठमाडौं,पौष २८ । गोकर्णेश्वर नगरपालिका वडा नं २ ले ज्येष्ठ नागरिकहरुलाई सम्मान गरेको छ ।पौष २७ गते सोमबार नयापाटी पार्टी प्यालेसमा गोकर्णेश्वर नगरपालिका वडा नं २ भित्र बसोबास ७० वर्ष पुरा भएका करिब १६० जना ज्येष्ठ नागरिकहरुलाई जाडोको लागि न्यानो कपडा अन्तर्गत ब्ल्याकेट प्रदान गरि सम्मान गरिएको थियो ।वडाले १ सय ६० जना ज्येष्ठ नागरिकहरुलाई ब्लाङ्केट वितरण गर्ने योजना रहेकोले वितरण स्थलमा उपस्थित हुन नसकेका ज्येष्ठ नागरिकहरुलाई घरमै पुर्याउने योजना रहेको वडा अध्यक्ष कृष्ण बहादुर पण्डित क्षेत्रीले जानकारी गराएका थिए।

कार्यक्रममा वडा अध्यक्ष कृष्णबहुदर पण्डित क्षेत्री, वडा सदस्य कृष्ण हरि श्रेष्ठ ,वडा सदस्य माया लामा लगायतले उपस्थित भएका ज्येष्ठ नागरिकहरुलाई ब्लाङ्केट वितरण गरेका थिए । ज्येष्ठ नागरिकको संरक्षण र सामाजिक सुरक्षा गर्ने, निजहरुमा रहेको ज्ञान, सीप, क्षमता र अनुभवको सदुपयोग गरी निजहरुप्रति श्रद्धा, आदर तथा सद्भावको अभिवृद्धि गर्ने  उदेश्यका साथ  गोकर्णेश्वर नगरपालिका वडा नं २ ले  बिभिन्न समयमा ज्येष्ठ नागरिक हरुलाई सम्मान गर्दै आएको  वडा अध्यक्ष कृष्ण बहादुर पण्डित क्षेत्री कपन अनलाइनलाइ जानकारी गराए ।उनले बढ्दो जाडोलाइ मध्यनजर गर्दै वडामा रहेका  ज्येष्ठ नागरिकहरुलाई चिसो बाट बच्न सहयोग पुगोस भन्ने उदेश्यका साथ् ब्ल्यांकेट वितरण गरिएको जानकारी गराए  ।