महानगरीय प्रहरी वृत्त बौद्घ अन्तर्गतको माकलबारी प्रहरी बिटबाट पौष २० गते साझ गस्ती गरिरहेको क्रममा गोकर्णेश्वर नगरपालिका वडा नम्बर ४ स्थित माकलबारीमा चोरी गरी बेबारिसे अवस्थामा छाडेको २ वटा मोटरसाइकल फेला परेको छ।
बिट इन्चार्ज प्रहरी सहायक निरीक्षक लोकेन्द्र गिरीका अनुसार बागमती प्रदेश ०२ ०१९ प ४५५२ नम्बरको पल्सर र बा ९३ प ७६३१ नम्बरको अपाचे मोटरसाइकल फेला परेका हुन्। फेला परेका मोटरसाइकलमध्ये पल्सर सम्बन्धित धनीलाई बुझाइसकिएको र अर्को मोटरसाइकलको धनी पहिचान गर्ने काम भैरहेको पनि प्रसनी गिरीले बताएका छन्। मोटरसाइकल चोरको खोजी कार्य जारी रहेको छ।
