तारकेश्वर नगरपालिकाका विद्यालयहरु आगामी मंसिर २१ गतेबाट सञ्चालन हुने

क्पान अनलाइन

काठमाडौं ,मंसिर १५।

तारकेश्वर नगरपालिकाका  विद्यालयहरु आगामी मंसिर २१ गतेबाट सञ्चालनमा आउँने भएका छन् । आज बसेको तारकेश्वर नगर शिक्षा समितीको वैठकले मंसिर २१ गतेबाट सञ्चालन गर्ने निर्णय गरेको छ ।

विद्यालय सञ्चालन पूर्व अभिभावक, शिक्षक तथा विद्यालय व्यवस्थापन समितीको वैठक बसी स्वास्थ्य सुरक्षाको पूर्ण पालन हुने गरि कार्ययोजना बनाई सोको प्रतिलिपी नगरशिक्षा शाखालाई पेश गर्ने पर्नेछ ।

विद्यालय विहान र दिउसो २ सिप्ट र कक्षागत आलोपालो गरि हप्ताको ३ दिन विद्यार्थी विद्यालय आउन व्यवस्था गर्ने र विद्यालय भने हप्ताको ६ दिन सञ्चालन गर्नुपर्नेछ । ठूला कक्षालाई विहानको सिप्ट र साना कक्षालाई दिउसोको सिप्टमा विद्यालय आउने व्यवस्था गर्नुपर्ने निर्णय नगर शिक्षा समितीले गरेको हो ।