पोखरामा प्याराग्लाईडिङ दुर्घटना हुँदा बुढानिलकण्ठ -२ की एक महिला गम्भीर घाइते

कपन अनलाइन

पोखरा ,मंसिर ९।

पोखरामा प्याराग्लाईडिङ दुर्घटना हुँदा चालकको  मृत्यु हुनाका साथै बुढानिलकण्ठ -२ की  एकमहिला गम्भीर घाइते भएकी छन । घाइते  महिला बूढानीलकण्ठ नगरपालिका वडा नं २ वासिकुको २८ वर्षीया शिला श्रेष्ठ रहेको प्रहरीले जनाएको छ। साथै मृत्यु हुने चालक पोखरा २८ कालिका घर भइ हाल पोखरा वडा ६ लेकसाइडमा बस्दै आएका ३८ वर्षीय राजु गैरे नेपालीको रहेको प्रदेश प्रहरी कार्यालय पोखराले जनाएको छ।

सोमबार दिउँसो अन्दाजी १ बजेको समयमा पोखरा महानगरपालिका वडा नं – १८ सराङकोटबाट उडेको फिष्टेल कम्पनीको प्याराग्लाईडिङ उडान भरेर ल्याण्ड गर्ने क्रममा सोही वडाको क्यामचोकमा दुर्घटना भएको थियो। प्रहरीका अनुसार गम्भीर घाइते नेपालीलाई तत्काल उपचारका लागि मेट्रोसिटी अस्पताल लगिएपनि चिकित्सकले मृत घोषणा गरेका थिए।

घाइते श्रेष्ठ हाल होसमै रहेको तथापि स्वास्थ्य अवस्था भने चिन्ताजनक रहेको जनाइएको छ। उनको छाती, टाउको र खुट्टामा घम्भिर चोट लागेको जनाइएको छ।

प्याराग्लाईडिङ अवतरण स्थान भन्दा झन्डै डेढ किलोमिटर माथि दुर्घटना भएको थियो। फोटो सौजन्य : बिएसजी न्युज