लायन्स क्लब इन्टरनेसनल डिस्ट्रिक ३२५ ए१को दोस्रो नियमित डिस्ट्रिक क्याबिनेट मिटिंग हुने
कपन अनलाइन
काठमाडौं मंगसिर ७। लायन्स क्लब इन्टरनेसनल डिस्ट्रिक ३२५ ए१को दोस्रो रेगुलर डिस्ट्रिक क्याबिनेट मिटिंग हुने भएको छ ।लायन्स क्लब इन्टरनेसनल डिस्ट्रिक ३२५ ए१ले यहि मंगसिर १३ गते अर्थात् नोभेम्बर २८ तारिखका दिन काठमाडौंको कुशल ब्यान्केट बौद्धमा क्लबको रेगुलर दोस्रो डिस्ट्रिक क्याबिनेट मिटिंग आयोजना गरेको डिस्ट्रिक गभर्नर लायन टंक बहादुर श्रेष्ठले जानकारी गराए।
उनले उक्त स्थानमा कोभिडको कारण भौतिक रुपमा उपस्थित हुन नसक्नेहरुको लागि भर्च्युल रुपमा पनि उपस्थिति जनाउन सक्ने व्यवस्था मिलाउन लागेको पनि जानकारी गराए। जी ए टि एरिया लिडर लायन खगेन्द्र सिटौलाको प्रमुख आतिथ्यमा सम्पन्न हुने उक्त मिटिंगमा सहभागी हुनको लागि लायन्स सदस्यहरुको लागि एक हजार रुपैया र लियोको लागि ७ सय रुपैया दर्ता शुल्क राखिएको क्याबिनेट सेक्रेटरी लायन बिमल कुमार श्रेष्ठले जानकारी गराए ।
बिहान ११ बजे बाट शुरु हुने उक्त मिटिंगको होस्ट क्लबको रुपमा लायन्स क्लब अफ काठमाडौं गोकर्णेश्वर, लायन्स क्लब अफ काठमाडौं डाँफे, लायन्स क्लब अफ काठमाडौं सिम्रिक ,लायन्स क्लब अफ काठमाडौं गुप्ती गणेश, लायन्स क्लब अफ काठमाडौं बागमती नर्थ र लायन्स क्लब अफ काठमाडौं एकेडेमिक रहेका छन् ।
