भलिबल संघका उपाध्यक्ष कुमारराज सुवेदी द्वारा खेल सामाग्री हस्तान्तरण
कपन अनलाइन
काठमाडौँ, मंगसिर ७ ।नेपाल भलिबल संघका उपाध्यक्ष कुमारराज सुवेदीले भलिबल सामाग्री हस्तान्तरण गरेका छन् ।गोकर्णेश्वर नगरपालिका वडा न ४ स्थित फाईभ स्टार क्लबलाई शनिबार एक कार्यक्रमका बिच भलिबल नेट लगायतका खेल सामग्री क्लबका अध्यक्ष किरण केसीलाई हस्तान्तरण गरिएको हो ।
गोकर्णेश्वर नगरपालिकाकी उप प्रमुख शान्ती नेपाल, गोकर्णेश्वर नगरपालिका वडा नं ४ कावडा सदस्य जयराम पुडासैनी, यज्ञडोल जगडोल सामुदायिक बन उपभोक्ता समितिका अध्यक्ष सुदर्शन सिग्देल लगायत स्थानीयहरुको उपस्थितिमा,संघका उपाध्यक्ष कुमारराज सुबेदीको पहलमा प्राप्त उक्त खेल सामाग्री हस्तान्तरण गरिएको हो। खेल सामग्री पाएसँगै खेलाडीहरुलाई भलिबल खेलमा लाग्न थप प्रेरणा मिलेको क्लबका अध्यक्ष किरण के सी ले बताए। खेल क्षेत्रमा अधि बढ्न चाहने जुनसुकै खेलका खेलाडीहरु लाई पनि आफूले सकेको सहयोग गर्ने उपाध्यक्ष कुमारराज सुबेदीले प्रतिबद्धता ब्यक्त गरेका थिए । कार्यक्रममा गोकर्णेश्वर नगरपालिकाकी उप प्रमुख शान्ति नेपाल लगायतले शुभकामना मन्तब्य राखेका थिए ।
