गोकर्णेश्वर युवा उपकार क्लब गोकर्णेश्वर ४ को शुभकामना आदानप्रदान सम्पन्न

कपन अनलाइन

काठमाडौँ, मंगसिर ३ ।गोकर्णेश्वर नगरपालिका वडा नं ४मा रहेको गोकर्णेश्वर युवा उपकार क्लबले प्रत्येक वर्ष नेपाल संवतको अवसरमा आयोजना गर्दै आएको भिन्तुना मोटरसाइकल र्याली  कोरोनाको कारण स्थगित भए संगै  सामाजिक दुरी कायम गरि संक्षिप्त शुभकामना आदान प्रदान कार्यक्रम सम्पन्न गरेको छ।

मङ्सिर १ गते बिहानगोकर्णेश्वर महादेव मन्दिर परिसरमा सामाजिक दुरी र स्वास्थ्य सुरक्षा मापदण्ड अनुसार गरिएको उक्त कार्यक्रमको प्रमुख अतिथिको रुपमा गोकर्णेश्वर नगरपालिका वडा नं ४ का वडा अध्यक्ष श्रीकुमार श्रेष्ठ रहेका थिए भने बिशेष अतिथिको रुपमा क्लबका सल्लाहकार एबम प्याबसन काठमाडौं जिल्ला अध्यक्ष हरि कृष्ण श्रेष्ठ , वडा सदस्य बालकृष्ण श्रेष्ठ लगायत क्लबका पदाधिकारीहरुको उपस्थिति रहेको थियो। कार्यक्रमको अध्यक्षता गोकर्णेश्वर युवा उपकार क्लबका अध्यक्ष प्रेम कुमार श्रेष्ठले गरेका थिए।

कार्यक्रममा प्रमुख अतिथिको रुपमा शुभकामना मन्तब्य राख्दै वडा अध्यक्ष श्री कुमार श्रेष्ठले दिपावली  नेपाल सम्बत११४१ एवं छठ पर्वको  शुभकामना ब्यक्त गर्दै क्लबलाई अन्य सामाजिक गतिविधिलाइ  पनि सक्रिय रुपमा  बढाउंदै लान सुझाव दिएका थिए  ।त्यसै गरि कार्यक्रममा शुभकामना मन्तब्य राख्दै क्लबका सल्लाहकार एबम प्याब्सन काठमाडौं जिल्ला अध्यक्ष  हरिकृष्ण श्रेष्ठले सबैलाई शुभकामना व्यक्त  गर्दै नेपालसम्बतका प्रबर्तक शंखधर साख्वाको योगदानमाथी चर्चा  सहित शंखधर साख्वाले गरेका योगदानलाइ  युवापुस्तामाझ पुर्‍याउनु पर्नेमा जोड दिएका थिए  ।

अध्यक्षताको आसन बाट बोल्दै  क्लबका अध्यक्ष प्रेम कुमार श्रेष्ठले नेपालसम्बतको उपलक्ष्यमा बिगत लामो समयदेखी गर्दै आईरहेको भिन्तुना मोटरसाइकल र्‍याली कोभिड १९ को कारणले यसबर्ष स्थगित भए पी आफ्नो संस्कृति जगेर्नाको लागि संक्षिप्त रुपमा कार्यक्रम आयोजना गरिएको जानकारी गराउदै दिपावली नेपाल संवत तथा छठ पर्वको शुभकामना ब्यक्त गरेका थिए ।