शंखरापुर नगरपालिका प्रमुख द्वारा राष्ट्रिय विभूति शंखधर साख्वाको अर्ध कदको सालिक अनावरण

कपन अनलाइन

काठमाडौँ,मंगसिर ३। शंखरापुर नगरपालिकाका प्रमुख  सुवर्ण श्रेष्ठ द्वारा साँखुको  महादेव ढोकामा राष्ट्रिय विभूति शंखधर साख्वाको अर्ध कदको  सालिक अनावरण गरेका छन । नेपाल सम्वत ११४१ न्हुदया भिन्तुनाको अवसरमा उक्त सालिकको  अनावरण गरेका  हुन्  ।

उक्त सालिक निमार्णको  लागि शंखरापुर नगरपालिकाबाट २ लाख ५० हजार, ७ नं. वडा बाट १ लाख र साँखु जेसिजबाट १ लाख ५० हजार गरि कुल  ५ लाख को लागतमा निर्माण गरिएको साँखु जेसिजका अध्यक्ष सरोज कुइकेलले जानकारी गराए । उक्त सालिक निमार्णको  लागि साँखु जेसिजका पुर्व अध्यक्ष राजेश श्रेष्ठले संयोजनगरेका थिए ।

 कार्यक्रम नगर प्रमुख श्रेष्ठ संगै उप प्रमुख शुक्र लक्ष्मी श्रेष्ठ लगायत स्थानीयको उपस्थिति रहेको थियो।सालिक अनावरण कार्यक्रममा बोल्दै नगर प्रमुख श्रेष्ठले राष्ट्रिय विभूति शंखधर साख्वाले पुर्याएको योगदान माथि चर्चा गर्दै नेपाल संवत लगायतका चाड पर्वहरुको शुभकामना ब्यक्त गरेका थिए  ।