नगर चक्रपथको सम्भाव्यता खोजी गर्दै बुढानिलकण्ठ नगर प्रमुख उद्दव खरेल
कपन अनलाइन
काठमाडौं ,कार्तिक १४।
बुढानिलकण्ठ नगरपालिकाका प्रमुख उद्दव प्रसाद खरेलले नगर चक्रपथ निर्माणका लागि विभिन्न वडाका सडकको अवस्था र सम्भाव्यताको खोजि शुरु गरेका छन।
गत स्थानीय निर्वाचनमा नगरवासी समक्ष प्रतिवादत्ता गरेको नगर चक्रपथको निर्माणका लागि सम्भावित सडकको विस्तार ,निर्माण र थप स्थानमा त्यसको सम्भायताका वारेमा सम्बन्धित वडाका अध्यक्ष तथा सदस्य सहित नगर प्रमुख खरेलले निरीक्षण ,अनुगमन तथा अध्ययन शुरु गरेका हुन् ।
नगरपालिकाका १३ वटै वडालाई जोड्ने सडक संजाल विस्तार गरेर नगरपालिकामा यातायात सेवाको शुरुवात गर्ने उदेस्य लिएर सो अध्ययन शुरु गरिएको छ ।
बुढानिलकण्ठ नगर चक्रपथ निर्माणका लागि सम्भावित सडकको पहिचान र निर्माणको क्रममा नगर प्रमुख खरेलले वडा नं ६ का खत्रीगाउँ -शिवमन्दिर -ग्रांडी , हात्तीगौंडा -विष्णुमति ,चासिन्डोल ,विष्णुमति सडक स्तारोनत्ति योजना लगायतको स्थलगत निरीक्षण गरेका थिए ।
बुढानिलकण्ठ नगरपालिका वडा नं ६ का अध्यक्ष नबिन केसी ,वडा नं ७ का अध्यक्ष बस नारायण महर्जन र अन्य जनप्रतिनिधि सहितको टोलीले वडा नं ७ को हेपाली हाइटको सडक निरीक्षण गरेको थियो ।
सो क्रममा नगर प्रमुख खरेलले वडा नं ६ र ७ का विभिन्न विकास निर्माणका गतिविधिहरुका वारेमा जानकारी लिदै अन्य वडाका सडक संजाललाई नगर चक्रपथमा जोड्ने सम्भावनाका वारेमा पनि स्थलगत निरीक्षण र अध्ययन गर्ने जानकारी दिएका थिए।
