गजल :शिबहरी खतिवडा
कपन अनलाइन
काठमाडौं ,असोज ३ ।
जहाँ पनि आफ्नै सम्धी अनि सालो कैलेसम्म ?
नेपालको राजनितिमा सधैँ भैचालो कैलेसम्म ?
अब पनि कृषि गरेर आत्मनिर्भर होला झै लागेन !
खेतबारिमा त्यही पुरानो कुट्टो कोदालो कैलेसम्म ?
तिमिहरूलाई चाइ दिनमा ३ जोर महँगो कपडा !
त्यो गरिब जनतालाइ लगौटिको टालो कैलेसम्म ?
अब त राष्ट्रपति ,प्रधानमन्त्री जनताले चुन्नुपर्छ !
हरूवाहरूको मनपरी आलो पालो कैलेसम्म ?
इन्जिनियरहरूप्रती पनि शंका जाहेर गर्न मन छ !
नेपालको बाटो सबै घुम्ती र ओरालो कैलेसम्म ?
अमेरिकामा सबै समान छ विभेद छैन सुनेको थे
गोराहरूको हातबाट मर्ने मात्र कालो कैलेसम्म ?
सहजताले सरकारी अफिसमा काम कैले हुन्छ ?
जता गयो अल्झाउने माकुराझैँ जालो कैलेसम्म ?
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।