लायन्स क्लब द्वारा जगडोलमा वृक्षारोपण
कपन अनलाइन
काठमाडौँ,श्रावण ४। हरियाली प्रवर्धनकाका लागि वृक्षारोपण गरिएको छ ।लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब अफ काठमाडौं दर्पण लायन्स क्लब अफ काठमाडौं एकेडेमिक लायन्स क्लब अफ काठमाडौं दिङला भोजपुर र लायन्स क्लब अफ काठमाडौं बौद्दको संयुक्त आयोजनामा वृक्षारोपण तथा बिरुवा गोडमेल कार्यक्रम सम्पन्न भएको छ । शनिबार बुढानिलकण्ठ नगरपालिका वडा नं ११ जगडोलमा करिब १०५ वटा नया बिरुवाहरु वृक्षारोपण गरिनुको साथै बिगत वर्षमा रोपिएका करिब २५० वटा बिरुवाहरुलाई गोडमेल मलजल गरिएको थियो ।
डिस्ट्रिक गभर्नर लायन टंक बहादुर श्रेष्ठको प्रमुख आथित्यतामा सम्पन्न उक्त कार्यक्रममा लायन्स क्लब इन्टरनेसनल डिस्ट्रिक ३२५ ए १का पुर्व गभर्नर एबम बर्तमान जी एस टि मल्टिपल डिस्ट्रिक कोर्डिनेटर लायन अनन्त प्रसाद भेटुवाल,डिस्ट्रिक सेकेन्ड भाइस डिस्ट्रिक गभर्नर लायन कर्मा गुरुङ , चिफ डिस्ट्रिक एड भाइजर लायन उत्तर चापागाई, क्याबिनेट सेक्रेटरी लायन बिमल कुमार श्रेष्ठ, एरिया कोर्डिनेटर लायन राम शरण बस्नेत, एरिया कोर्डिनेटर लायन अच्युत बिष्ट, जोन चियरपर्सन लायन रमेश पराजुली, डिस्ट्रिक चियरपर्सन लायन ठण्डराज ठकुरी (राजन) ,चार वटै क्लबका प्रेसिडेन्ट लगायत डिस्ट्रिक गभर्नर टिमका ५५ जना सदस्य सहित लायन्स लिडर तथा सदस्यहरुको उपस्थिति रहेको थियो ।
कार्यक्रममा बोल्दै डिस्ट्रिक ३२५ ए१का डिस्ट्रिक गभर्नर लायन टंक बहादुर श्रेष्ठले मानव जाति र पर्यावरण जोगाउन का निम्ति अहम भूमिका निर्वाह गर्ने कुरामा जोड दिदै लायन्स क्लबले वृक्षारोपण कार्यक्रमलाइ पनि बार्षिक कार्यक्रममा समेटेको बताए वृक्षारोपण गर्दै बिरुवा लगाउनु मात्र ठुलो कुरा नभई उचित रुपमा रेखदेख तथा संरक्षण गर्नु महत्वपुर्ण पाटो भएको बिचार राखेका थिए ।
फोटो :सरोज बस्नेत
