गोकर्णेश्वर ८ मा त्रसित नहौ सचेत बनौ भन्ने अभियानका लागी छलफल गर्दै

कपन अनलाइन

काठमाडौँ,जेठ ५ ।गोकर्णेश्वर नगरपालिका वडा नं ८ ले आज त्रसित नहौ सचेत बनौ भन्ने अभियानका लागी छलफल गर्ने भएको छ । कोरोना भाइरस कोभिड १९ को प्रकोपको कारण बिश्व नै त्रसित भइरहेको अवस्थामा त्रसित नहौ सचेत बनौ भन्ने अभियान संचालनको लागि सल्लाह सुझाब सहयोग र परामर्श गर्न लागेको हुँदा आज जेठ ५ गते बिहान ८ बजे गोकर्णेश्वर नगरपालिका वडा नं ८ स्थित सरस्वती स्कुल प्रांगणमा छलफल आयोजना गर्न लागेको हो। सो छलफलमा वडा भित्र रहेका सम्पूर्ण संघ संस्था समूह उपभोक्ता समिति, टोल सुधार समिति समाजसेवी र बुद्धिजीविहरुलाई उपस्थितिको लागि वडा अध्यक्ष मनोज कुमार ढुंगानाले अनुरोध गरेका छन।