पुष्पलाल मेमोरियल सेकेन्डरी स्कूल बुनपा – १२ को खेलकुद सप्ताह सम्पन्न
कपन अनलाइन
काठमाडौं ,माघ २४ ।बुढानिलकण्ठ नगरपालिका- १२ स्थित पुष्पलाल मेमोरियल सेकेन्डरी स्कूलले आयोजना गरेको खेलकुद सप्ताह सप्पन्न भएको छ।
पुष्पलालको मैदानमा भएको उक्त कार्यक्रममा प्रमुख अतिथि शम्भुप्रसाद भट्टराई रहेका थिए भने प्याब्सकका महासचिव, उपाध्यक्ष साथै अन्य बिद्यालयका प्रधानाध्यापकहरुको उपस्थिति रहेको थियो ।
विधालय व्यवस्थापन समितिका अध्यक्ष छन्द प्रसाद आचार्यको अध्यक्षतामा सम्पन्न भएको सो कार्यक्रममा बिद्यालयका प्रधानाध्यापक नारायण तिमल्सिनाले अतिथिलाई स्वागत र कार्यक्रम आयोजना गर्नुको मुख्य तात्पर्यको बारेमा स्पष्ट पारेका थिए।
मङ्गलबार देखि सन्चालन भएको खेलकुद प्रतियोगिताको समापन समारोहमा नतिजा सुनुवाई प्रथम , द्वितीय र तृतीय हुने बिद्यार्थीलाई कार्यक्रमका प्रमुख अतिथि भट्टराइले पुरस्कार वितरण गरेका थिए।
सो कार्यक्रममा बोल्दै प्रमुख अतिथी भट्टराईले बिद्यार्थी अहिलेका साझेदार र भविष्यका कर्णाधार हुन भन्दै बिद्यार्थीको शैक्षिक क्षेत्रमा आफु र वडा सकारात्मक रपारदर्शी ढंगले अघि बढेको र बढ्ने बाचा व्यक्त गर्दै यस्तो स्वास्थ्यका लागि खेलकुद राष्ट्रका लागि खेलकुद भन्ने नाराका साथ आयोजित मनोरञ्जनात्मक कार्यक्रम सन्चालन गरेकोमा बिद्यालय परिवारलाई धन्यबाद दिएका थिए ।
कार्यक्रमका अध्यक्ष तथा बिद्यालय व्यवस्थापन समितिका अध्यक्ष छन्द प्रसाद आचार्यले बिधार्थीको हक हितका निम्ति आफु र बिद्यालय सकारात्मक ढङ्गबाट निरन्तर अगाडि बढ्ने बाचाका साथ कार्यक्रम समापन गरेका थिए।
कार्यक्रम बिद्यालयका सह – प्राध्यापक राजु पुडासैनीले संचालन गरेका थिए ।
