भ्याली पब्लिक दोहोरो उपाधिनजिक

कपनअनलाइन

काठमाडौं,मंसिर ६  । आयोजक भ्याली पब्लिक भ्याली पब्लिक कप अन्तरविद्यालय बास्केटबल प्रतियोगिताको ब्वाइज र गल्र्स दुवैतर्फ बिहीबार फाइनलमा प्रवेश गरेका छन् । दुवैको ‘ए’ टिम फाइनलमा पुगेको हो ।
ब्वाइजमा भ्याली पब्लिकले गोल्डेनपिकलाई ४५–३५ ले पराजित गर्यो । विजेताका राहुल विक र सुमन सुब्बाले समान १५–१५ अंक जोडे । फाइनलमा भ्याली पब्लिकको भेट ग्रिनल्यान्डसंग हुने छ । अर्को सेमिफाइनलमा ग्रिनल्यान्डले डाफोडिललाई ४५–३२ ले हरायो । ग्रिनल्यान्डका राजीव आले मगरले ३५ स्कोर गरे ।
गल्र्स सेमिफाइनलमा भ्याली पब्लिकले ग्रिनल्यानडमाथि २५–१७ को जित दर्ता गर्यो । विजयी टिमका लागि श्रष्टि श्रेष्ठ र सुमिना तामाङले समान ११–११ अंक जोडे । अर्को सेमिफाइनलमा टीआईएले स्किब्सलाई २५–१९ ले पाखा लगायो । टीआईएकी कञ्चन मगरले ७ अंक जोडिन् ।