स्वर्ण शिक्षा मावि गोकर्णेश्वर -४ को २२ औ अभिभावक दिवस सम्पन्न

कपन अनलाइन

काठमाडौँ, माघ २८ ।

गोकर्णेश्वर नगरपालिका वडा नं ४ मा रहेको स्वर्ण शिक्षा माविले आफ्नो २२ औ अभिभावक दिवस सम्पन्न गरेको छ । विद्यालयको प्रांगणमा भएको उक्त कार्यक्रमको प्रमुख अतिथि प्रतिनिधि  सभा सदस्य कृष्ण राइ रहेका थिए  ।विशेष अतिथिको रुपमा गोकर्णेश्वर नगरपालिका वडा नं ४ का वडा अध्यक्ष श्रीकुमार श्रेष्ठ रहेका थिए भने  अतिथिको रुपमा बिद्यालय संचालक समितिका बिज्ञान श्रेष्ठ ,गोविन्द बहादुर श्रेष्ठ  काठमाडौं जिल्ला समन्वय समितिका सदस्य उद्दब भण्डारी लगायत विभिन्न बिद्यालयका प्रिन्सिपल ,शिक्षक , अभिभावक र बिद्यार्थीहरुको उल्लेख्य सहभागिता रहेको थियो ।

कार्यक्रमको सभाध्यक्षता बिद्यालय ब्यबस्थापन समितिका अध्यक्ष त्रिलोचन राजोपाध्याय ले गरेका थिए।कार्यक्रममा कक्षा ७ मा पढ्ने  बिध्यार्थीहरुले स्वागत मन्तब्य राखेका थिए ।कार्यक्रममा विद्यालयका संस्थापक प्रिन्सिपल गोबिन्द बहादुर श्रेष्ठले विद्यालयको गतिविधिको बारेमा प्रकाश पर्दै आगामी योजना समेत प्रस्तुत गरेका थिए।

कार्यक्रममा बोल्दै प्रमुख अतिथि प्रतिनिधि सभा सदस्य कृष्ण राइले  विद्यालयको भौतिक पूर्वाधार लगायत सबै पक्ष राम्रो रहेको बताउदै गोविन्द बहादुर श्रेष्ठ उक्त भेगकै आदरणीय सर भएको  हुनाले पनि  उहाको योगदानको चर्चा गर्दै सोहि कारणले बिद्यालयले  प्रगति गरेको बताएका थिए। उनले देशले खोजेको व्यवहार उपयोगी, गुणस्तरीय एवम सृजनात्मक शिक्षा प्रदान गर्न विद्यालय सफल भएको र सवैले आफनो आफनो ठाउवाट त्यस्तै योगदान दिनु पर्ने जनाउदै विद्यालयको सफलताको कामना ब्यक्त गरेका थिए ।

उक्त कार्यक्रममा  बिद्यार्थीहरुले विभिन्न सांस्कृतिक कार्यक्रम प्रस्तुत गरेर विविधताको बिचमा एकताको संदेश दिएका थिए सोहि कार्यक्रममा विद्यालयले विभिन्न क्रियाकलापमा उत्कृष्ठ भएको  बिद्यार्थी र शिक्षकहरुलाई सम्मान तथा पुरस्कार वितरण गरेको थियो ।कार्यक्रम संचालन  बिद्यालयका बिद्यार्थीहरुले गरेका थिए ।