कागेश्वरी मनोहरा नगरपालिकाले नगर बस सुरु गर्यो
कपन अनलाइन
काठमाडौ,भाद्र १५।
कागेश्वरी मनोहरा नगरपालिकामा आज बाट नगर बस संचालनमा आएको छ। काठमाडौं क्षेत्र नं २ का सांसद दीपक कुइकेल र क्षेत्र नं ३ का सांसद रामेश्वर फुंयालले संयुक्त रुपमा उद्घाटन गरेका थिए।
उक्त उद्घाटन कार्यक्रममा कागेश्वोरी नगरपालिकाका प्रमुख कृष्णहरी थापा, वडा नं ९ का अध्यक्ष कुन्दन खड्का, वडा नं १ का अध्यक्ष मुकुन्द गजुरेल, वडा नं ७ का अध्यक्ष जीवन थापा, वडा नं ८ का अध्यक्ष श्रीकृष्ण चापागाईं लगायत अन्य जनप्रतिनिधि र स्थानीय जनताको उपस्थिति रहेको थियो।
हाललाई दुई वटा नगर बस संचालनमा आएको छ । यो नगर बस सनसिटि – हरहर महादेव -वडा कार्यालय -मुलपानी – पिपलबोट -बाबाचोक -मिलन चोक -नगरपालिका -थली चल्नेछ। यसमा जनताहरुलाई सुविधाको लागी भाडा रु १० कायम गरिएको छ । यो भाडामा जहाँ बाट चढ्न र ओर्लन सक्ने एक वडा अध्यक्षले बताए । फोटो सौजन्य : वडा नं ९ का अध्यक्ष कुन्दन खड्का
तपाइँको प्रतिक्रिया ।
