बुनपा वडा नं ३ मा फोहरमैला व्यवस्थापन तालीम सम्पन्न

कपन अनलाइन

काठमाडौँ,असार २५ ।

बुढानिलकण्ठ नगरपालिका वडा नं ३ मा रहेको एकता फाउण्डेशनले फोहोरमैला व्यवस्थापन तालिम सम्पन्न गरेको छ ।तालिममा स्थानीय संघ संस्थाका प्रतिनिधिहरु,महिला समुहका सदस्यहरु र जनप्रतिनिधिहरुलाई फोहोरमैला व्यवस्थापन र कम्पोष्ट मल बनाउने तरिकाको वारेमा तालिम प्रदान गरिएको थियो ।

बुढानिलकण्ठ नगरपालिका वडा नं ३लाई विशेष फोहोरमैला मुक्त वडा बनाउने उदेस्य सहित आयोजना  गरिएको सो कार्यक्रम मा वडा नं ३ का अध्यक्ष वालकृष्ण श्रेष्ठ ,वडाका जनप्रतिनिधिहरु र अन्य सामाजिक ब्यक्तिहरुको  लगायतको उपस्थिति रहेको थियो ।

कार्यक्रममा वडालाई फोहोरमैला मुक्त वडा बनाउनका लागी विविध उपायहरुको वारेमा सुझाव संकलन गर्नुका साथै अन्तरक्रिया पनि गरिएको वडा नं ३ का अध्यक्ष वालकृष्ण श्रेष्ठ ले बताए ।कार्यक्रमलाई हिमालय बोर्डिंग स्कूलले सहयोग गरेको थियो ।