दुर्घटनामा गम्भीर घाइते किशोरको मृत्यु

कपन अनलाइन 

गौशाला, १९ चैत । जलेश्वर नगरपालिका–१५ सुगा गाउँमा मोटरसाइकल दुर्घटनामा परेका एक किशोरको आज उपचारका क्रममा मृत्यु भएको छ ।

मृत्यु हुनेमा सुगा गाउँ निवासी रामबाबु तिवारीका छोरा १६ वर्षीय किशन तिवारी रहेका छन् ।

एसइई परीक्षा दिएर घरमै बसिरहेका तिवारी बिहीबार दिउँसो जलेश्वर बजारबाट ज६प ३४५२ नंको मोटरसाइकल चलाएर घरतिर जाँदै गर्दा आँपको रुखमा मोटरसाइकल ठोक्किएर गम्भीर घाइते भएका थिए ।

गम्भीर घाइते तिवारीलाई परिवारजनले तत्काल उपचारका लागि अञ्चल अस्पताल जनकपुर हुँदै विराटनगरस्थित न्युरो अस्पतालमा पु¥याएको थियो । उनको न्युरो अस्पतालको सघन उपचार कक्षमा उपचारका क्रममा मृत्यु भएको हो । रासस