कपनमा नेपाली काँग्रेसको अनौपचारिक युवा भेला

मंसिर  १५ वर्तमान राजनैतिक परिस्थिति साथै नेपाली काँग्रेसको काठमाण्डौं संगठनको अवस्था र त्यसमा युवाले खेल्नुपर्ने भुमिकाको विषयमा कपनमा अनौपचारिक भेला सहितको अन्तक्रिया सम्पन्न भएको छ ।
नेपाली काँग्रेसका जिल्ला सदस्य सागर बैजु, नेपाल सांस्कृतिक संघका केन्द्रिय सदस्य शशि विक्रम थापा, ने.का क्षेत्र नं २ का युवा संयोजक मनिष कोइराला, क्षेत्र नं ३ का तरुण नेता अमृत तिमल्सिना, माधव दाहाल पशुपति क्याम्पसका स्ववियु सभापति मनोज वैध क्षेत्र नं ४ ने.वि.संघका संयोजक दामोदर भट्टराई (बद्रि) लोकतान्त्रिक पत्रकार संघका पदाधिकारी, खेलकुदकर्मि लगायत अन्य युवाहरुको उपस्थिति रहेको थियो ।  सो भेलाले अब काठमाण्डौं जिल्लाका १० वटै क्षेत्रहरुमा विभिन्न खेलकुद तथा सांस्कृतिक कार्यक्रमको आयोजना गर्ने साथै युवाहरुलाई पार्टी भित्र मजबुत बनाउने एवम् एक अर्कोका समस्या तथा कार्यक्रमहरुमा सहयोग गर्ने लगायतका  महत्वपूर्ण विषयमा छलफल भएको थियो ।
कपन स्थित साम्बला भिलेज रिर्सोटमा भएको अन्तक्रियामा  कपन काँग्रेसका युवा कार्यकर्ताहरूको समेत अग्रसरता थियो ।  भेलाले हरेक महिना कपन गा.वि.स. मा  केन्द्रिय सदस्य उपस्थित गराई छलफल तथा सांगठनिक कार्यहरुलाई अगाडि बढाउने उद्धेश्य रहेको समेत जानकारी दिएको थियो ।

– बद्रि भट्टराई