विसुकुमार केसीलाई निजामति सेवा पुरस्कार

कपन अनलाइन, २१ भदौ, २०७३

तेह्रौं निजामति सेवा दिवसका अवसरमा सरकारले  निजामति कर्मचारीलाई  निजामति सेवा पुरस्कारले सम्मान गर्ने निर्णय गरेको छ । भोलि एक कार्यक्रमका साथ प्रदान गरिने पुरस्कार हरेक वर्ष निजामति सेवा दिवसका दिन प्रदान गरिन्छ । तीन बिधामा छुट्याइएको निजामति सेवा पुरस्कार ४१ जनाले प्राप्त गर्नेछन् । निजामति सेवामा रहेर उत्कृष्ट काम गर्नेहरूलाई प्रदान गरिने यो पुरस्कार अन्तर्गत यो वर्ष पुरस्कृत हुनेमा भौतिक पूर्वाधार तथा यातायात मन्त्रालयका उपसचिव विसुकुमार केसीलगायतका व्यक्ति छन् । बुढानिकण्ठ क्षेत्रमा सामाजिक अभियान्ताका रुपमा पनि क्रियाशील केसी कपन सङ्गीत सरोवरका अध्यक्ष हुन् ।

अर्थ सचिव डा. शान्तराज सुवेदी, सहन्यायाधिवक्ता किरण पौडेललगायतका निजामतिसेवाका व्यक्तिहरूलाई भोलि ऐक कार्क्रमका साथ पुरस्कृत गरिनेछ । सरकारले अर्थसचिव सुवेदीलाई सर्वाोत्कृष्ट निजामति सेवा पुरस्कार प्रदान गर्न लागेको हो । सरकारले थप १० जना कर्मचारीलाई उत्कृष्ट निजामति सेवा पुरस्कारले सम्मान गर्ने निर्णय गरेको छ । निजामतिसेवा दिवसका अवसरमा सरकारले बुधबार बिशेष कार्यक्रमकावीच उनीहरुलाई प्रधानमन्त्रीका हातबाट सम्मान गर्ने निर्णय गरेको हो । सरकारले तोकेको जिम्मेवारी इमान्दारीताका साथ पुरा गरेको भन्दै उनीहरुलाई सम्मान गर्न लागेको हो ।