साम्तेन मेमोरियलको १९ औ वार्षिकोत्सव तथा अभिभावक दिवस सम्पन्न
कपन अनलाइन
काठमाण्डौ,फागुन २९।
बुढानीलकण्ठ नगरपालिका वडा नम्बर ११ मा रहेको सामतेन मेमोरियल एकेडेमीको १९ औ वार्षिक उत्सव तथा अभिभावक दिवस सम्पन्न भएको छ।
कार्यक्रममा प्रमुख अतिथिका रुपमा पर्वतारोही मिङ्मा शेर्पा रहेका थिए जसले जीवनमा धेरै प्रगति गरेर सुखी भएपनि समयमै शिक्षा लिन नपाएकोमा उहाँले गुनासो व्यक्त गरेका थिए। उनले मानव जीवनमा शिक्षाविना कुनै पनि कार्यमा सफलता प्राप्त गर्न नसकिने कुरा व्यक्त गर्दै राम्रोसँग अध्ययन गर्नको लागि र पढाईमा दत्तचित्त भएर लाग्नको लागि विद्यार्थीहरुलाई प्रोत्साहन प्रदान गरेका थिए।
उक्त कार्यक्रममा गायन , नित्य , लेखन र वक्तित्व आदि प्रतियोगिताहरूमा उत्कृष्ट हुने १२ जना विद्यार्थीहरूलाई सम्मान प्रदान गरिएको थियो , जसमा गायनबाट प्रथम श्रुति खड्का , द्वितीय सोनाम युटिन शेर्पा र तृतीय पेमा शेर्पा भएका थिए।
नित्य प्रतियोगितामा भने प्रथम नितु स्यान्तान , द्वितीय कोहिनुर राई र तृतीय समीक्षा कुलुङ भएका थिए भने साम्तेन मिस्टर किड २०८० मा सोनाम शेर्पा र साम्तेन मिस किडमा मनुसी बस्नेत विजयी बनेकी थिइन्।
विद्यालयले निम्न शुल्कमा उच्च शिक्षा प्रदान गर्दै आइरहेको बताउदै प्रधानाध्यापक गोविन्द धामीले पढाइमा मात्र नभएर विद्यालयले अन्य अतिरिक्त गतिविधिहरूमा समेत सहभागी भई उत्कृष्ट नतिजा ल्याउन सफल भएको जानकारी दिएका थिए।
