मेरी दिदी : अनिता लामा (कविता )

कपन अनलाइन

काठमाण्डौ ,पुस २८।

आमाजस्तै माया गरी सिकाउँछ्यौ पाठ
जस्तोसुकै परिस्थितिमा नि समाएर हात ।

बिराउन लागे बाटो सजग गराइकन
मीठो बोली बोल्दै सिकाई अह्राइकन ।

दिदी तिमी मेरो लागि प्रेरणाको राश
कहिले पनि नसकिने मीठामीठा आश ।

आफ्नो दुः ख लुकाएर बाहिर हाँस्न जान्ने
मेरो खुसीलाई सदा आफ्नो खुसी ठान्ने ।

मेरा लागि त्याग र समर्पण सधैँभरि गर्छ्यौ
कहिले नमेटिने माया यो हृदयमा भर्छ्यौ ।

जीवनको सच्चा अर्थ मलाई सिकायौ
संघर्षको मैदानमा बलियोसँग टिकायौ ।

म कहिल्यै बिर्सने छैन तिमीले गरेका गुन
सधैँ सफल बन्न सकूँ तिम्रो दायाँबायाँ हुन ।

तिमी भए संसारमा चाहिँदैन मलाई धन
सधैँ तिम्रो सम्मानमा फुलोस् मेरो मन ।

सहकार्य : कपन बानेश्वर साहित्यिक साप्ताहिक