प्रदेस क्षेत्रमा चुनाव जिताएका राजन पोखरेल भन्छन, “म प्रदेस प्रतिनिधि हुनु नपर्ने कारण के छ?”
कपन अनलाइन
काठमाण्डौ ,भाद्र १७।
नेकपा एमाले काठमाण्डौ जिल्ला कमिटीका सदस्य राजन कुमार पोखरेलले यहि असोज ८ र ९ गते हुने बागमती प्रदेसको प्रथम अधिवेसनका लागि हुने प्रतिनिधि छनौटमा दावी गर्ने संकेत गरेका छन।
नेकपा एमाले काठमाण्डौ क्षेत्र नं ४ (२ ) का संयोजक समेत रहेका पोखरेलले कपन अनलाइनको प्रश्नमा म प्रदेस प्रतिनिधि हुनु नपर्ने कारण के छ? भन्ने प्रतिप्रश्न गर्दै प्रतिनिधि छनौटमा दरिलो दावी गर्न सक्ने संकेत गरेका छन।
लामो समय देखि काठमाण्डौ जिल्लाको एमाले राजनीतिमा सक्रिय रहेका पोखरेलले २०७९ शालको प्रदेस सभा निर्वाचनमा काठमाण्डौ क्षेत्र नं ४ (२ ) मा नेकपा एमालेलाई जिताउन महत्वपूर्ण भूमिका निर्वाह गरेका थिए।
सहकारी र व्यवसायमा समेत स्थापित रहेका पोखरेल दुई कार्यकाल जिल्ला कमिटीमा रहेका छन भने काठमाण्डौ क्षेत्र नं ४ का विभिन्न कमिटी र अभियानमा निरन्तर सक्रिय रहदै आएका छन ।
