गजल : अनिता भण्डारी (पौडेल)

कपन अनलाइन

काठमाण्डौ ,बैशाख १६।

मनमुटुमा सजाई राखेको तिम्रो तस्बिरले पनि
समयसँगै टक्कर दिईरहने तिम्रो तक्दिरले पनि

के भन्न खोजिरहेको छ खै बुझ्न सकिन मैले
बताउन सकेनन् कुनै भगवान र मन्दिरले पनि

चोखो माया दर्शाउछौ मन मुटु तड्पाईरहन्छौ
साथ नदिने रहेछ मिठो जवानी र शरीरले पनि

छेकेन रोकेन धड्कन सम्म पुग्ने बाटाहरुलाई
न भुले न कसैले भुलायो मिठो खातिरले पनि

जीवन एउटा छ सपना हजारौं किन उब्जिञ्छ्न
दिएन सन्तोष बजेन सुहाउदो धुन जागिरले पनि