प्रशान्ति एकेडेमी बुढानिलकण्ठ नगरपालिका वडा नं १२ मा विद्यार्थी दिवस मनाइयो

कपन अनलाइन

काठमाण्डौ ,चैत्र ४।

बुढानिलकण्ठ नगरपालिका वडा नं  १२ कपनमा रहेको  प्रशान्ति एकेडेमीले चैत्र ३ गते प्रशान्ति विद्यार्थी दिवस मनाएको छ।

उक्त कार्यक्रममा कक्षा ९ का छनौटमा परेका विद्यार्थीहरुले शिक्षकको भूमिका निभाएका थिए। विद्यार्थीहरुको आत्मविश्वास र नेतृत्वको विकास गर्ने उद्देश्यले उक्त कार्यक्रम सञ्चालन गरिएको प्रिन्सिपल समिर बास्तोलाले जानकारी दिएका छन  ।

एक दिन का लागि शिक्षक बनेका विद्यार्थीहरुले विद्यालयको पठपाठन तथा अतिरिक्त क्रियाकलापहरु आफैंले सञ्चालन गरेका थिए । कक्षा ९ का छात्र अभिषेक मेहेताले संयोजकको भूमिका निर्वाह गरेका थिए।

पछिल्ला वर्षहरूमा पनि यस्तो विद्यार्थी दिवस मनाइएको र त्यसले विद्यार्थीहरुको आत्मविश्वास बढाउनुका साथै उनीहरुमा नयाँ अनुभव प्रवाह हुने भएकोले आगामी वर्षहरूमा पनि यस्तो उपलब्धिमूलक विद्यार्थी कार्यक्रमलाई निरन्तरता दिने प्रिन्सिपल समिर बास्तोलाले जानकारी दिएका छन ।