केब्स कलेज बौद्ध टुसालले सिंगिङ र डान्सिङ स्टार सिजन -१ आयोजना गर्दै

कपन अनलाइन

काठमाडौं मङ्सिर २० ।कलेज पढ्ने विद्यार्थीहरुलाई लक्षित गर्दै काठमाडौं महानगरपालिका वडा नं ६ बौद्ध टुसालमा संचालित कुमारी इंगलिस बोर्डिंग स्कुल (केब्स) प्लस टु कलेजले  केब्स कलेज सिंगिङ र डान्सिङ स्टार सिजन  -१  आयोजना गर्ने भएको छ । ‘कलेज पढ्ने विद्यार्थीहरुको प्रतिभालाई उत्कृष्ट मञ्चको अवसर प्रदान गर्ने उद्देश्य सहित मङ्सिर २२ गते केब्स कलेज प्राङ्गणमा उक्त कार्यक्रम आयोजना गर्न लागिएको कलेजका प्रिन्सिपल सुरेश भट्टराईले कपन अनलाइनलाइ जानकारी गराए।

लामो समय देखि शिक्षा क्षेत्रमा योगदान पुर्याउदै आएको केब्स प्लस टु का प्रिन्सिपल सुरेश भट्टराईले कलेजले नियमित पठन पाठन संगै विद्यार्थीहरुको  आन्तरिक प्रतिभा प्रष्फुटनको लागि बिभिन्न कार्यक्रम गर्दै आएको सोहि अनुरुप केब्स कलेज सिंगीङ र डान्सिंङ स्टार सिजन -१  गर्न लागिएको पनि जानकारी गराए । गायन र नृत्य गरि दुई विधामा प्रतिस्पर्धा हुने उक्त प्रतियोगितामा केब्स कलेजमा अध्ययनरत बिद्यार्थीहरुको सहभागिता रहने समेत उनले जानकारी गराए  ।केब्स प्लस टु कलेजले कक्षा ११मा हाल विज्ञान, सहित व्यवस्थापन, शिक्षा,मानविकी र कानुन बिषय पढाउदै आएको छ  । सबैखाले शैक्षिक पुर्वाधार सम्पन्न रहेको केब्स  कलेजमा दक्ष तथा अनुभवि प्राध्यापकहरुबाट पठनपाठन हुने जानकारी दिदै प्रिन्सिपल भट्टराईले  अतिरिक्त क्रियाकलापको साथै विद्याथीहरुको शैक्षिक विकासमा कलेज सधै लागि पर्ने जानकारी गराएका छन ।