घरदैलो अभियानमा नेपाली कांग्रेस काठमाडौं क्षेत्र- ३ (१) का उम्मेदवार छिरिङ दोर्जे लामा

कपन अनलाइन

काठमाडौं ,कात्तिक २२ । निर्वाचनको मिति नजिकिँदै गर्दा मुलुकभर चुनावी सरगर्मी बढेको छ। प्रमुख दलका शीर्ष नेता चुनावी प्रचारमा जुटिरहेका छन् भने सम्बन्धित क्षेत्रका उम्मेद्वार घर दैलो अभियानमा व्यस्त छन ।मंसिर ४ गते हुन लागेको  प्रतीनीधी सभा र प्रदेश सभामा विशेष गरी राजधानी काठमाडौंका उम्मेद्वार चुनावी नतिजा आफ्नो पक्षमा पार्न उम्मेद्वारहरू मतदाता रिझाउन र स्थानीय जनताहरू संगको भेट घाटमा व्यस्त रहेको  देखीन्छ ।

नेपाली कांग्रेस काठमाँडौ निर्बाचन क्षेत्र नम्बर ३ को प्रदेश (१) का उम्मेद्वार  छिरिंग दोर्जे लामा पनि आफ्नो क्षेत्रमा चुनावी माहोललाइ आफ्नो पक्षमा पार्नका लागी प्रचार प्रसार र मतदाता भेटघाट लाइ तीब्र गतीमा अगाडी बढाई रहेका छन ।

 अघिल्लो कार्यकालमा प्रदेशको नीति निर्माण र कानुन निर्माणमा उल्लेखनीय भूमिका खेलेका लामाले यसपटक समाज रुपान्तरण,आर्थिक विकास र समग्र भावी कार्ययोजना समेटिएको प्रतिबद्दता पत्र  सहित  मतदाता माझ  पुगिरहेका छन । बागमती प्रदेश सभा सदस्यको रुपमा आफुले धेरै काम  गरेको  दावी गर्दै अहिले सम्म सिर नुहुरिने कुनै पनि काम नगरेको  र आगामी दिनमा पनि नगर्ने बताएका छन  ।