लायन्स क्लब इन्टरनेसनल डिस्ट्रिक ३२५ ई ले प्रथम अन्तर क्लब मैत्री फुटसल प्रतियोगिता गर्दै

कपन अनलाइन

काठमाडौं, असोज ७।  लायन्स क्लब इन्टरनेसनल डिस्ट्रिक ३२५ ई ले प्रथम अन्तर क्लब मैत्री फुटसल प्रतियोगिता गर्ने भएको छ ।  बिजय दशमीको अवसरमा खेलको माध्यमबाट आपसी भाइचारा मित्रता र सामाजिक सदभाब कायम गर्दै प्रतिभावान खलाडी उत्पादनमा  क्लब भित्रका फुटसलप्रेमी खेलाडीहरुलाई समेट्ने उद्धेश्यका साथ प्रतियोगिता आयोजना गरिएको  लायन्सका जी एस टि कोर्डिनेटर लायन रमेश श्रेष्ठ एम जे एफले कपन अनलाइनलाइ जानकारी गराए  ।

 शनिबार चौर रिक्रियसन सेन्टर बाँसबारीमा हुने उक्त प्रतियोगितामा लायन तिलक श्रेष्ठ (एरिया I)  लायन बिज्ञान खड्का (एरिया II) लायन रोशन खड्का लियो  ( एरिया III) सहसंयोजक रहेको सो प्रतियोगितामा लायन्स क्लब इन्टरनेसनल डिस्ट्रिक ३२५ ई अन्तर्गतका १६ वटा क्लबले सहभागिता जनाएको कार्यक्रम संयोजक लायन्स क्लब इन्टरनेसनल डिस्ट्रिक ३२५ ईका  जी एस टि कोर्डिनेटर लायन रमेश श्रेष्ठ एम जे एफले जानकारी गराए साथै उक्त प्रतियोगितामा प्रथम दितीय हुने हरुलाई सोहि दिन साँझ ५ बजे फ्रेन्डशिप क्याफे एन्ड रेस्टुरेन्ट भेटघाट चोकमा आयोजित चाडपर्व शुभकामना आदानप्रदान तथा पुरस्कार वितरण समारोहमा बितरण गरिने समेत  उनले जानकारी गराए ।