शंखरापुर नगरपालिकाको प्रमुखमा एमालेका कृष्ण बजगाई र उपप्रमुखमा लक्ष्मी केसीले मनोनयन दर्ता गराए

कपन अनलाइन

काठमाडौँ,बैशाख १२ । शंखरापुर नगरपालिकामा  नेकपा एमालेले उम्मेदवारी दर्ता गराएको छ । नेकपा एमालेका कृष्ण बजगाई (सृजन शर्मा)ले मेयरको लागि मनोनयन दर्ता गराएका हुन् । त्यस्तै उपमेयरमा लक्ष्मी केसीले मनोनयन दर्ता गराएकी छन् ।बाजागाजा सहित मुख्य निर्वाचन अधिकृतको कार्यालयमा गएको एमालेको टोलीले मेयरमा बजगाई र उपमेयरमा केसी  सहित ९ वटै वडामा उम्मेदवारी दर्ता गराएका हुन् ।

मनोनयन दर्ता गर्न मुख्य निर्वाचन अधिकृतको कार्यालय पुगेका मेयरका उम्मेदवार बजगाईले समग्र शंखरापुरको  विकासको लागि आफ्नो उम्मेदवारी भएको बताएका छन  ।