मिठाराम अधिकारीको निर्वाचन अभियानको कमाण्ड सम्हाल्दै उद्धव खरेल

कपन अनलाइन

काठमाडौँ,बैशाख १२।

बुढानिलकण्ठ नगरपालिकाको प्रमुखमा नेकपा एमालेका तर्फ बाट उम्मेदवार बनेका मिठाराम अधिकारी सहित पार्टीको निर्वाचन कमाण्ड उद्धव खरेलले सम्हाल्ने छन।

नेकपा एमाले बुढानिलकण्ठ नगर कमिटीले घोषणा गरेको १ हजार ५५ सदस्यीय निर्वाचन परिचालन कमिटीको संयोजक रहेका खरेलले उम्मेद्वारी मनोनयन दर्ताका लागि निर्वाचन कार्यालय पुगेर सबै उम्मेदवारहरुलाई बधाई दिदै अभियानलाई तीव्र बनाउने बताएका थिए।

बुढानिलकण्ठ नगरपालिकाका १३ वटै वडा बाट आएका जुलुसमा सहभागी बनेका खरेलले आज बाट नै निर्वाचन परिचालनका विभिन्न अभियान शुरु गरेका थिए।

नेकपा एमाले बागमती प्रदेस कमिटीका सचिवालय सदस्य रहेका खरेल २०७४ सालको स्थानीय तहको निर्वाचनमा बुढानिलकण्ठ नगरपालिकाको प्रमुखमा निर्वाचित भएका थिए।