अव हामी रुपान्तरित शिक्षाको नेतृत्व गर्दैछौ : साम्तेन मेमोरियल मावी ,बुढानिलकण्ठ-११
कपन अनलाइन
काठमाडौं, माघ २४ ।
बुढानिलकण्ठ नगरपालिका वडा नं ११ मा रहेको साम्तेन मेमोरियल मावीले रुपान्तरित शिक्षाको नेतृत्व गर्ने बताएको छ। बसन्त पन्चमीका दिन विद्यालयमा आयोजना गरिएको कार्यक्रममा विद्यालयका प्रवन्ध निर्देशक शक्ति नेपालले वर्तमान समयको माग अनुसार अवको समयमा रुपान्तरित शिक्षाको नेतृत्व नेतृत्व गर्ने दावी गरेका हुन्।
विद्यालयको विगतलाई स्मरण गर्दै नेपालले अवको शिक्षा कक्षा कोठा भन्दा बाहिर निस्कदै विद्यार्थीहरुको समग्र विकासमा केन्द्रित बन्नुपर्ने धारणा राखेका थिए।
विद्यालयका संस्थापक निम्तो नवांग शेर्पाको अध्यक्षतामा भएको कार्यक्रमको प्रमुख अतिथि वडा नं ११ का अध्यक्ष राजु अधिकारी रहेका थिए भने वडा सदस्य तथा विद्यालय संचालक समितीका अध्यक्ष बिनोद तामाङ्ग,समाजसेवी शिव श्रेष्ठ लगायत अतिथि रहेका थिए।
साम्तेन मेमोरियल मावीलाई बुढानिलकण्ठ नगरपालिकाको नमुना शिक्षण संस्था बनाउने अभियानमा वडाको सधै साथ् हुने बताउदै कार्यक्रमका प्रमुख अतिथि राजु अधिकारीले कक्षा ११ र १२ ल्याउन सहजीकरण गर्ने प्रतिवदत्ता जनाएका थिए।
सो अवसरमा प्ले ग्रुपमा भर्ना भएका विद्यार्थीहरुलाई अक्षराम्भ गराइएको थियो भने विद्यार्थी ,शिक्षक तथा कलाकारहरुले विभिन्न सांगीतिक प्रस्तुति दिएका थिए।
