गोकर्णेश्वर महादेव मन्दिर प्राङ्गण सरसफाई

कपन अनलाइन

काठमाडौँ,भाद्र २३। गोकर्णेश्वर नगरपालिका वडा नं ४ स्थित गोकर्णेश्वर महादेव मन्दिर प्राङ्गणमा सरसफाई गरिएको छ । मंगलबार कुशें औसी पर्वमा उक्त क्षेत्रमा दिवङ्गत पिताका नाममा सिदादान तर्पण र श्राद्द गर्नेहरुको भिड रहेको थियो र उक्त कार्य बाट सृजित फोहोरलाइ व्यवस्थापन गर्ने उदेश्य सहित आज बिहान गोकर्णेश्वर नगरपालिका  वडा नं ४ को आयोजनामा सरसफाई गरिएको हो।

कुशे औँसीका दिन गोकर्णेश्वर महादेव मन्दिर क्षेत्रमा लागेको मेलामा भक्तजनले ल्याएका विभिन्न फूलप्रसाद कुहिएर सो क्षेत्र दुर्गन्धित नहोस भनेर तत्काल सरसफाईमा जुटेको वडा अध्यक्ष श्रीकुमार श्रेष्ठले जानकारी गराए ।

बिहान ७ बजे देखि ८ बजे सम्म चलेको उक्त कार्यक्रममा बागमती प्रदेशका पुर्व भौतिक पूर्वाधार विकास मन्त्रि रामेश्वर फुयालको समेत सहभागिता रहेको थियो भने कार्यक्रममा   बिभिन्न संघ संस्थाका  प्रतिनिधिहरुको पनि सहभागिता रहेको थियो ।