तारकेश्वर नगरपालिकामा बाख्रापालन तालिम हुँदै

कपन अनलाइन

काठमाडौं ,फागुन ९।

तारकेश्वर नगरपालिकामा बाख्रापालन सम्वन्धि तालिम सन्चालन हुने भएको छ।

तारकेश्वर नगरपालिका पशुसेवा शाखाको आयोजनामा नगरपालिकाको १ ,२ ३ ५ र ६ नम्बर वडाका बाख्रापालक कृषकहरुलाई ३ दिने तालिम सञ्चालन हुने भएको हो।

तालिम फागुन ११ गते मंगलबार देखि १३ गते विहिबार सम्म तारकेश्वर नगरपालिका वडा नं ६ को भवनमा सन्चालन हुने बताइएको छ ।

नगरपालिकाले चालु आर्थिक वर्षको चौथो चौमासिक लक्ष्यमा नगरपालिकामा बाख्रापालन सम्वन्धि तालिम सन्चालन गर्ने निर्णय गरेको थियो।

तारकेश्वर नगरपालिकाले पछिल्लो समयमा नगरपालिकाको कृषि तथा आर्थिक विकासमा योगदान पुर्याउने उद्देश्यले विभिन्न किसिमका तालिमहरु सञ्चालन गर्दै आइरहेको छ ।