गजल : निर्मल रमण पराजुली

कपन अनलाइन

काठमाडौं ,माघ २०।

छोरो बुद्ध हरायो, भन्दै रुन्छिन नेपाल आमा
जताततै चित्कार मात्रै, सुन्छिन नेपाल आमा

स्वर्गको टुक्रा, हिमाल पहाड र तराइ
शान्ती छाओस भन्दै, देबता छुन्छीन नेपाल आमा

सुन्दर शान्त देश, एकता मिलाप सबै
सम्वृद्धि हित सपना, बुन्छिन नेपाल आमा

चार जात छत्तिस वर्ण, सुन्दर बगैचामा
हरेक फुलको हृदयमा, हुन्छिन नेपाल आमा

काटे रगत रातो, कोख एउटै सन्तानको
हृदय फाटदा तनभरी, गुन्छिन नेपाल आमा !

सहकार्य :कपन बानेश्वर साहित्यिक साप्ताहिक