रियलका खेलाडीले लगाए ‘नेपाललाई सहयोग गरौ’ अंकित जर्सी (फोटोसहित)
काठमाडौ, २८ बैशाख : स्पेनिस क्लब रियल म्याड्रिका पोर्जुगिज फरवार्ड तथा फिफा वर्ष खेलाडी क्रिस्चीयानो रोनाल्डोले नेपालमा आएको भूकम्प पीडितको लागि ७० लाख युरो सहयोग गरेसँगै स्पेनिस ला लिगाका शनिबार र आइतबारका खेलहरू नेपाललाई सहयोगको समर्पित रहे ।
लिगमा रियल म्याड्रिडले शनिबार घरेलु मैदानमा भ्यालेन्सियाबिरुद्धको उत्रिंदा ‘नेपाललाई सहयोग गरौं’ जर्सी लगाएर उत्रिएको थियो। टनेलबाट मैदानमा पुगेर हर्डल्ससम्म रियलले नेपालको सहयोगका लागि अपिल गरेको जर्सी लगाएको थियो।
खेल २–२ को बराबरीमा रोकिएको थियो। त्यस्तै डिफेन्डिङ च्याम्पियन एट्लेटिको म्याड्रिडले लेभान्टेसँगको खेलमा पनि ‘नेपाललाई सहयोग गरौं’ जर्सी लगाएको थियो।
यसअघि नो रोनाल्डोले महाभुकम्प पीडित नेपालीको सहयोगका लागि करिब ८० करोड ५० लाख रुपियाँ (७० लाख युरो) दिएका थिए । उनले ७० लाख युरो सेभ द चिल्डेनमार्फत पठाएका थिए । त्यसअघि, रोनाल्डोले अाफ्नो ट्वीटर एकाउन्टमार्फत सहयोगका लागि अपील गरेका थिए ।
