चुनिखेलमा अलपत्र परेकी जुना बुढा मगरलाई सहयोगको अपिल

कपन अनलाइन

काठमाडौं ,मंसिर ११।

श्रीमानले मानसिक र शारीरिक यातना दिएर घर बाट निकालेकी एक महिला बुढानिलकण्ठ -१३ चुनिखेलमा अलपत्र परेकी छ। चार जना छोरीलाई जन्म दिएकी सिन्धुली  जिल्ला, कपिलकोट गाबिस वडा नं २  की  जुना बुढा मगरलाई गर्भमा  छोरी रहेको थाहा पाएपछी श्रीमानले घर बाट निकालेका थिए।

मासिक ३५ सय रुपैयामा कोठा भाडामा लिएर चुनिखेलमा बस्दै आएकी उनले अरुको घरमा कामदारका रुपमा रहेका दुई र आफु संगै रहेका दुई छोरीको उद्दारका लागि अपिल गरेकी छन । हाल उनलाई घरबेटीले समेत कोठा छाड्न दवाव दिएको हुँदा उनि अलपत्र परेकी छन।

शारिरिक रूपमा कम्जोर र मानसिक रूपमा बिछिप्त रहेकी उनका श्रीमानको खोजी र सहयोगका लागि  उनलाई सहयोग गर्दै आएकी Street to Home संस्थाकी सुगिता शाहले अपिल गरेकी हुन । उनका आफन्तलाई सम्पर्क गर्न खोज्दा आफ्नो नम्बरलाई  ब्याक लिस्टमा राखिएको जानकारी दिदै शाहले ति महिलाका श्रीमान र आफन्तको खोजी र उनको उद्दारका लागि आग्रह समेत गरेकी छन।

वेवारिसे अवस्थामा रहेकी ति महिलाको सहयोगका लागि सम्पर्क :

सुगिता शाह : 9860554152

जुना मगर: 9843995862