बुढानिलकण्ठको हात्तीगौडा बाट दुई जना चोर पक्राउ

कपन अनलाइन

काठमाडौं ,मंसिर ६।

बुढानिलकण्ठ नगरपालिकाको हात्ती गौडा बाट दुई जना  मोबाइल र झोला  चोर पक्राउ परेका छन।  वुढानिलकण्ठ तर्फ वा.४२ प.५०३० नम्वरको निलो कलरको  २२० सि.सि.को पल्सर मोटर साईकलमा आउदै गरी रहेको अवस्थामा ललितपुर महालक्ष्मी नगरपालिका वडा नं. १ वस्ने वर्ष २३ को अधिस त्रिपाठी र उक्त मोटरसाईकलको पछाडी वस्ने जिल्ला भक्तपुर ठिमी नगरपालिका वडा नं.४ वस्ने वर्ष २४ को विशाल गिरीलाई बुढानिलकण्ठ प्रहरीले नियन्त्रणमा लिएको थियो।

मंसिर ५ गते जडिवुटि,सिनामंगल,चावहिल,धुम्वराईवाट ट्याक्सी चालकहरुको मोवाईल र झोला चोरी गर्दै आई महाराजगन्ज टिचिङ्ग अस्पताल अगाडीवाट समेत ट्याक्सी चालकको मोवाईल चोरी गरी भएको भन्ने सुचना प्राप्त भए संगै उनीहरुलाई निलो कलरको OPPO मोवाईल थान–१, कालो कलरको VIVO मोवाईल थान–१,सेतो कलरको Six Y आईफोन थान–१,कालो कलरको Panasonic मोवाईल थान–१, कालो कलरको Redmi मोवाईल थान–१, सेतो खरानी कलरको Honor मोवाईल थान–१ र पछाडी भिर्ने लेदरको लेडिज व्याग थान–१ गरी जम्मा थान–६ मोवाईल र थान–१ झोला समेत वरामद गरी आवश्यक कारबाहीको लागी महानगरीय प्रहरी बृत्त महाराजगंज पठाईएको छ।