गोकर्णेश्वर ४ भैरब चौर देखि पाटी दोबाटो सम्मको सडक कालोपत्रे

कपन अनलाइन

काठमाडौं, कार्तिक २४।गोकर्णेश्वर नगरपालिका वडा नं ४  भैरब चौर देखि पाटी दोबाटो सम्मको कालोपत्रे सडकको गोकर्णेश्वर नगरपालिका प्रमुख सन्तोष चालिसे र उप प्रमुख शान्ती नेपाल र वडा अध्यक्ष श्रीकुमार श्रेष्ठले  संयुक्त रुपमा उद्घाटन गरेका हुन ।

 गोकर्णेश्वर नगरपालिकाले विभिन्न मितिहरुमा बिनियोजन गरेको बजेट द्वारा निर्माण गरिएको उक्त सडकको उद्घाटन गरिएको हो। सो कार्यक्रममा नगरपालिकाका प्रमुख सल्लाहकार दिपक रिसाल गोकर्णेश्वर नगरपालिका वडा नं ४ का वडा  सदस्य जयराम महत वडा सदस्य उमा थापा , समाज सेवी किरण केसी लगायत स्थानीयको उपस्थिति रहेको थियो ।उक्त बाटो भैरबचौर सावित्रा देवी बाटो उपभोक्ता समितिको पहल र सक्रियतामा कालो पत्रे भएको हो। बाटोको लागि नगरपालिकाबाट डेढ करोड विनियोजन भएको थियो।

 कार्यक्रममा प्रमुख अतिथिको रुपमा बोल्दै गोकर्णेश्वर नगरपालिका प्रमुख सन्तोष चालिसेले गोकर्णेश्वर नगरपालिका भित्र धेरै बिकासका गरे पनि जोरपाटी सुन्दरीजलको मुख्य सडक नबन्दा गरिएका कामहरु नदेखिएको बताउदै जोरपाटी सुन्दरीजल सडक  पौष सम्ममा बन्ने जानकारी गराउदै अहिले धमाधम काम भइरहेको जानकारी गराए ।कार्यक्रममा बोल्ने बक्ताहरुले समयमा काम सकेकोमा धन्यबाद दिदै विकास निर्माणमा  स्थानीयको सहभागिताआवश्यक रहेको बताएका थिए ।